這一兩個星期都不斷聽到有人討論公務員加薪和起薪點提升的話題﹐今天更聽到有教師團體認為有一定年資的教師的薪金和新入職教師的相比有點不合理的新聞。

別人搵幾多錢是別人的事﹐重點是自己搵幾多錢先夠洗才重要。公務員加薪﹐大家可以討論的原因應該是他們出的糧是納稅人的錢﹐而不是擔心他們會搶去私人機構的人材﹐更不應該用來和自己比較。

那些工商界代表出來話﹐政府這樣做是打擊中小企。我呸！（Oh! Sorry 我激動咗少少）你出得起錢﹐自然會請到比較有質素的人（理論上）。

在商業社會﹐企業當「員工是工具或零件」﹐所以作為員工﹐都應該用返「零件」的態度去打工。當中有些老板會同你講義氣（都唔係有些 ga la...）﹐也得要看清楚老板的為人﹐曾經有研究指出「義氣」只會在黑社會出現﹐在商言商的商業社會係唔會出現﹐信嗰個只係...大家明 ga la...

幸好來看這個 Blog 的人都應該已經大個仔大個女了﹐如果俾著以前的我（學生嗰陣）﹐我會好討厭這種言論﹐好睇唔起這種打工仔心態。但現在我會好好調較心中那團火﹐在甚麼時候用﹐在甚麼時候收﹐最重要是唔好俾佢消失就得啦﹐唔係只會淪為被老板 rape 的工具。

講返教師個 Case﹐我唔認同他們的講法﹐年資雖然是很重要﹐但在現代商業社會﹐這已經不是一個薪金的保証﹐他們不應該再用這種上世紀的思維來為自己爭取個人利益。

唔係你做得耐﹐就應該多別人幾多幾多人工的。如果這都可以成立﹐咁你叫打工仔如何面對每一年新畢業生的起薪點呢？金融風暴和 SAS 期間的畢業生可能做咗幾年都係去到幾年後畢業生的起薪點 ja...這是際遇的問題。

不過世上沒有懷才不遇的（黃霑講的）﹐如果教師們覺得不合理﹐他們大可以由市場決定（即老板們）他們的薪金﹐到時咪知道這個世界有多殘酷 lor...又或知道自己原來未遇到百樂