二零零七年一月二十五日上午十時三十分﹐本人家中的寛頻服務終於再次起動了！小弟還故意請了半天 Annual 見証這一刻的來臨。

師傅入屋睇一睇原本條線﹐之後在電話座加了一個 xDSL Splitter 和一條電話線到寛頻 Modem（同 PCCW 一樣）就通了﹐維修時間不到五分鐘。

小弟到底壞乜？他回答無壞任何野﹐只是當初幫我安裝的那個人亂來﹐應該不用拉線入屋﹐最近佢地執返正 d 線才會有這個問題。

我的反應是「......」﹐就只是這個簡單的問題就浪費了我十五天上網時間和半天 Annual﹐而且這樣的 xDSL Splitter 我家中有兩個呀！

不過我都未信晒佢講的﹐因為我有一位好友都是「和記」人﹐同我住同一大廈﹐也是拉線入屋﹐但他的寛頻未有問題發生。

可能那個師傅都覺得這麼簡單的修理就要叫到佢﹐有點浪費時間﹐也問了我一句：「之前的師傅沒有入屋睇過嗎？只是打電話來？」。

點都好﹐時間又開始流動了！