由上星期的等待到這星期的忍耐﹐七次的 CS Call﹐三次的所謂上門維修（最終是沒有上門的）﹐一切都是無奈的。今天是第九天沒有網絡的日子﹐這一切都要多謝 "和記"。

他們明顯是縱容外判公司收錢唔做野。

頭兩次師傅都求其打過電話告訴我是 PCCW cut 了上樓線﹐會幫我約 PCCW 那方面上來整。但到我再打去問時﹐和記的「所謂技術部門員工」告訴我師傅們 report 是「沒有問題」。

Shxt!~我家中還是上不到網﹐佢竟然 Report 是「沒有問題」。

那位聽電話的技術部間的 "丘小姐" 還實牙實齒告訴我他們的技術人員是可以自己通返條線﹐所以可以幫我再約。

到了約好的日子﹐唔見人！我打去問﹐他們竟然告訴我昨天已經安排師傅去睇了！不過都是 report 無事﹐所以今天不會有人上來。Well！那一刻我覺得我 EQ 真係高﹐無發火。不過已經好想轉 Plan﹐好想 Cut Service 了！

他們還告訴我﹐這可能需要 in-house 的師傅才可以修好﹐咁都無辦法啦！但他竟然話要等三四天才可以知道幾時約到﹐這下真係火都來﹐己經八日啦！仲要等四日？現在和記係唔係只係得一個師傅呀？外判那一些是廢物來的嗎？洗咗錢做唔到野﹐那些人請來做乜呀？

不過和記的 CS 竟然還有面打來做問卷調查﹐問我個寛頻整好未﹐打得來當然是俾我駡啦！如果佢再打多次來﹐我就會問佢 Cut Service 的方法 ga la...一個月錢﹐半個月上唔到網（分分鐘會一個月上唔到）﹐就算退錢俾我﹐有用嗎？

我對 "和記" 已經失去信心﹐或者他會覺得少了一個 residential 客沒有問題。但如果我日後有幸做到 IT Manager﹐我一定會 Bad List 他的商業寛頻﹐這樣的技術班底﹐問我點可以放心將公司的網上業務寄託在它們的寛頻身上呢？