敗了！今晚經過星際﹐得知行貨價在 2.4K 樓下已經心思思﹐旺電更賣 2.2K﹐雖然只是百幾二百蚊﹐但已足夠心動了！尤其知道網上二手都係賣緊 2.2K﹐百記做緊 2.7K 的時候﹐真係忍唔到手。雖然遲多一個月有可能 2K 手入﹐但早買早享受。

畢竟人肉 Zoom 玩得太耐﹐20mm 好難影到合照（要放部機好遠）﹐入支標準鏡都好正常（合理化自己的敗家行為？）﹐再加上有政府資助（老婆修正：退稅的錢本來就是自己的錢）﹐就更容易有購物衝動。

但買了後就諗點解不投資在 NAS 上呢？買部 N1 作開發機也不錯。那刻真係神推鬼使咁就買咗支鏡﹐根本無考慮咁多﹐反而之前那部幾百元的 Router 就考慮咗幾個月先動手。

回家後當然影了不少相﹐暫時非常滿意﹐而且發現了支 20mm 對焦時的聲音好大﹐無比較真係唔知﹐剛剛裝回來影上面張相時才聽到﹐咦！以前有咁嘈的嗎？