香港米老鼠一知道香港中小學將停課兩周﹐立即推出兩星期優惠﹐但政府有膠官話「放假唔等於俾佢地去玩」﹐話米老鼠這麼做不對﹐你話香港的官是不是火星人呢？佢地一定好唔喜歡身為地球人的香港人。

如果背景轉一轉﹐不是中小學停課﹐而是打工仔不用上班﹐佢老細可能都會話「放假唔等於俾你放假」﹐不知道打工仔會不會送他老細一句「朝尼哥」呢？

不過政府的立場一定會好唔同﹐官員一定唔會話「放假唔等於俾你去玩」﹐他們會話「放假即等於消費﹐大家應該盡情消費﹐盡情玩﹐支持本土經濟」﹐由政府贊成五天工作周會刺激市道的邏輯﹐米老鼠認為「細路放假﹐應該會刺激業績」的想法也應該是正確的﹐難道細路放假去玩是有錯的嗎？

現在香港的細路﹐你唔照顧佢﹐佢會死；你在家但唔睇實佢﹐佢會死；佢放假在家中乜都唔做﹐佢會死；佢一小時唔讀書﹐佢會死；一星期七日只要有一日無補習﹐無參加興趣班﹐佢會死。佢有自己的時間﹐佢都會死。

如果世界有技術能夠用十八年一天八小時把所有知識燒落個細路個腦度﹐全港會有幾多家長會傾家蕩產去幫子女去參加這個瘋狂的計劃呢？我真是好想知道。