毆港記曾憲梓籲勿激化事件

前人大常委曾憲梓，不評論新疆武警毆打扣留本港記者的事件，他希望新聞界體諒，不要激化事件。

曾憲梓說，希望記者採訪時，按內地的要求辦事。曾憲梓說，國家在六十年有成就，但就經常發生不快的事，希望新聞界體諒，不要激化事件。他又說，現時各界已作出回應，目前要等中央回應，希望中央作出公正交代。

在新聞直線睇轉播時﹐真係 O 晒嘴﹐其實正是這種言論激化了香港人。香港係一個言論自由的社會﹐曾生有這個想法﹐講出來無問題﹐但我也有權唔認同﹐而我相信有很多人同樣唔認同﹐這就夠了！

最遺憾是老豆意然覺得中央處理得對﹐還一口咬定記者有指手劃腳﹐話佢地下次應該醒少少﹐認同這種不合理現像為常態。雖然我心裏明白他是想教懂我知真實世界係咁樣 ga la...唔好試圖做出頭鳥﹐唔好試圖挑戰有錢人和權威。

但後生仔女總有改變世界的幻想﹐我認為只要有大多數人和我一樣想法﹐未來就會改變﹐好像環保一樣﹐我們這一代應該已經學懂愛惜地球﹐而不是一味質疑那些環保份子為甚麼不過些原始人生活。唔係人地唔做﹐你就可以大條道理唔做﹐重點係你個心點諗和點做。

基本上每次和老豆談到這類話題﹐結論總是去到「外國咪一樣黑暗﹐全世界都一樣 ga la...」。我明...我明呀！！！不過我的想法是：「人地做的差係人地嘅事﹐點解我們不可以做得更好呢？」既然有前車之鑑﹐為何還要走舊路﹐然後同人講：「個個都係咁 ga la...」。有時人係唔係老咗就會無晒火﹐所有底線都會向後移呢？