兩天前已經知道 Google Chromium 出了新版 4.0 ﹐但今天才有時間試一試。

一試就知道不得了﹐它的起動時間快到唔知點形容﹐如果是再起動的話﹐「快」更加不能形容它的速度﹐而是「立即彈出來」咁滯﹐基本上係無「等待」這個步驟。

其實 Firefox 3.6 的起動速度都明顯比 3.5 快了少少﹐但感覺無 Chromium 3.0 升到 4.0 那種進步「神速」的感覺咁強烈﹐但我想真正的比較應該是等 Chromium 都可以安裝 Extensions 之後才開始。

不過 Chromium 的 Windows 版都可以有咁快的速度﹐真的令我有衝動想睇佢的原始碼﹐因為我寫了咁多年 Visual C++ Windows Application﹐都無見過可以起動得咁快的﹐會不會是它的視覺效果令我生了錯覺呢？畢竟運用錯覺都係 Google 的專長。