星期二去了一間上市公司 interview﹐原本對此很有期望的﹐可惜結果是令人失望的。

1. 上市公司竟然無雙糧
2. Second In. 時嗰個阿叔真係...
3. 到 4 月中才有第一輪結果！（理由是 Easter 要去旅行到四月中）

關於第一點﹐到底會不會和華人公司有關呢？華人公司永遠都有種尖酸刻薄的從屬思想﹐洗到盡的心態由環境和談吐間盡現﹐我相信每一個 candidate 都會感覺到。

當過了 HR 的第一關﹐到 Second interview 時的那個「阿叔」﹐明顯感覺到跟他一定不會有好日子過。

原因是他做了三件事﹐令我覺得非常反感。

第一﹐當我完成了 Self Briefing 後﹐他當在我面前說：「Video Streaming...關乜义事﹐都唔知點解搵 d 咁嘅人回來。」（我原用他的口語﹐一字不漏咁記下了他的說話）

我明白我沒有做過 POS﹐也沒有 retail 方面的系統開發的 knowledge﹐佢可以 Challenge 我。但他這麼大個人﹐應該要懂得甚麼叫尊重吧！不尊重我也不打緊﹐但也應該要尊重自己的公司和同事吧！小弟最討論那種在外人面前向自己同事惡言相向的人﹐正如昨天在酒樓上﹐那個 Waiter 在我面前駡個部長是 PK 時一樣﹐令我非常反感。

第二﹐就是他告訴我這份要 7x24 小時 on-call﹐無得 sad-no﹐不接受任何理由在假期不工作﹐包括甚麼考試﹐病等等...見到即抄﹐頂唔順而短期內自動離職的咪洗指意佢會寫 Reference Letter 俾你。

唔！我好多謝佢咁老實。這個 Requirement 接受可否主要是看 candidate 的接受程度。不過 7x24 on-call 應該要在 recruitment 上寫明了吧！

第三﹐就是言談其間﹐他用了很多很多次的「我不信 xxxxx。」﹐用意當然是針對我的 Resume 啦！

因為我在現在的公司有 manage 過 outsourcing 的 Project﹐他就話唔信 outsource 可以做到野。

我只寫過 C++, Java, VB 等的 language﹐他就不信我可以 pick up 新的 language（佢地主要用 C#﹐但 Recruitment 明明寫 ASP, VBScript）。

我寫過的 Application 未試過有超過 100 人同時 access﹐佢話唔信我識寫 application 是可以隨時都有三四百人同時用緊。

最離譜的地方是他好像不信我會寫 Code...我真係有 d 聽到 O 晒嘴。而且他更認為他不信 Programmer 會寫到好 Code ﹐所以佢只會請 A.P.。

如果以上動作都是為了壓我價的話﹐手法非常之低﹐而且壓價也不是那個阿叔做的吧。一間咁大的公司﹐價錢一定是 HR 決定的吧！如果唔係壓價的話﹐我會覺得好心傷﹐香港 IT 界的老前輩同外國那一些還活躍於 mailing list, blog 等的前輩係唔係真的差咁遠呀。

講到尾﹐我的感覺是他們是要請 P 的﹐不過公司唔會有 P 咁 Cheap 的職位﹐所以請 A.P.。

所有 P 都由一個 P.M. direct access。而且客戶只會直接搵 d A.P.﹐唔會 contact 到個 P.M.﹐Contact 到的話﹐我諗 d A.P. 炒咗 ga la...大致他想表達的就是這些吧！